BEOWULF
| 1 | Hwæt! We Gardena in geardagum, |
| 2 | þeodcyninga, þrym gefrunon, |
| 3 | hu ða æþelingas ellen fremedon. |
| 4 | Oft Scyld Scefing sceaþena þreatum, |
| 5 | monegum mægþum, meodosetla ofteah, |
| 6 | egsode eorle, syððan ærest wearð |
| 7 | feasceaft funden, he þæs frofre gebad, |
| 8 | weox under wolcnum, weorðmyndum þah, |
| 9 | oðþæt him æghwylc þara ymbsittendra |
| 10 | ofer hronrade hyran scolde, |
| 11 | gomban gyldan. þæt wæs god cyning! |